AQShning Federal qidiruvlar byurosi xodimlari kattaroq maosh ilinjida xususiy IT-kompaniyalarga ishga o‘tib ketmoqdalar, deb yozmoqda The New York Times nashri.
Oxirgi uch oy mobaynida FQBning 6 xodimi o‘z lavozimlarini tark etdilar. Ular axborot texnologiyalari sohasida faoliyat yurituvchi xususiy kompaniyalarga ishga o‘tib ketganlar. Nashrning ta'kidlashicha, xususiy firmalar ularga kattaroq maosh va xizmat pillapoyalarida istiqbolli kelajakni va'da qilmoqdalar. FQBda esa yuqori lavozimga ko‘tarilish uchun belgilangan xizmat muddatini ado etish talab etiladi, xususiy kompaniyalarda esa xizmatiga yarasha lavozimi ham oshaveradi.
K2 Intelligence kompaniyasi FQBning sobiq xodimlarini ishga yollovchi asosiy kompaniyalardan biri hisoblanadi. Kompaniya internetda ma'lumotlar ochish bilan shug‘ullanadi. FQBning sobiq xodimlarining aytishicha, byurodan xodimlarning ketishi holati davom etaveradi.