"MYu" Ronalduni "Real"dan rekord darajadagi narx evaziga transfer qilmoqchi

"Manchester Yunayted" jamoasi o‘zining sobiq futbolchisi Krishtianu Ronalduni "Real"dan qaytarib olib kelmoqchi.

Manchester Evening News nashrida yozilishicha, jamoa bu futbolchini transfer qilishi orqali o‘z tarixidagi eng qimmatbaho xaridni amalga oshirishi mumkin. Bungacha bu boradagi eng yuqori ko‘rsatkich 2014 yilning yozida "Real"dan 59,7 mln funt evaziga Anxel Di Mariyaning olib kelinishi orqali qayd etilgandi.

Ma'lumot uchun, Ronalduning madridliklar bilan shartnomasi 2018 yilgacha tuzilgan.

Biroz oldinroq, davriy nashrlarda "Real"ning yangi bosh murabbiyi Rafael Benites hamda portugaliyalik ushbu hujumchi o‘rtasida davomli nizolar ro‘y berayotgani haqida xabarlar tarqalgandi.

Eslatib o‘tamiz, Ronaldu 2009 yilda "MYu"dan 80 mln yevro evaziga "Real" safiga o‘tgandi.

Qayd etish joizki, 23 iyul kuni "MYu" Di Mariyani 65 mln yevro evaziga "PSJ"ga berib yuborgani ma'lum qilindi.