AQSh Maxsus xizmatining bir necha yuzlab xodimlari AQSh prezidenti Barak Obamaning Keniya poytaxti – Nayrobiga kelishidan avval mamlakatda misli ko‘rilmagan darajadagi xavfsizlik choralarini ko‘rishmoqda. Xizmat xodimlari Oq uy boshlig‘i safarida chog‘ida uning korteji yuradigan qo‘chalar va to‘xtash joylarini ko‘zda kechirib chiqishdi. Bu haqda mahalliy OAVlar xabar bermoqda.
Obamaning xavfsizligini ta'minlovchi xodimlar soni shunchalik kattaki, ularni Nayrobining markazida joylashgan uchta katta mehmonxonada joylashtirishga to‘g‘ri keldi.
AQSh Maxsus xizmatining ko‘p sondagi xodimlarini jalb qilishdan tashqari, Obama xavfsizligini ta'minlash bo‘yicha boshqa choralar ham ko‘rildi – Nayrobiga bir necha kun avval AQSh maxsus xizmatlari xodimlari samolyotda maxsus aloqa vositalari va texnika olib kelishdi. Bundan tashqari, Keniya sohillari yaqinida bir nechta AQSh kemalari joylashtirilgan.
Obama Nayrobida safari davomida xavfsizlikni ta'minlash nuqtai nazaridan dunyoda eng yaxshi limuzinlardan hisoblanadigan lyuks sinfidagi Beast limuzinda harakatlanadi. Avtomobilning himoyasi katta kalibrli quroldan to‘g‘ri tegishga chidamli bo‘lib, avtomobil salonida kimyoviy hujum vaziyati uchun kislorod niqoblari mavjud. Zirhli mashina ko‘zni yoshlatuvchi gazli pushkalar bilan jihozlangan. Avtomobil ichida zarurat tug‘ilganda ishlatish uchun prezidentning qoni solingan idishlar ham joylashtiriladi.
Keniya hukumati o‘z tomonidan 10 ming politsiyachini, ya'ni mamlakatdagi butun politsiyachilarning 25 foizini ajratdi. Shu bilan birgan Keniya havo hududi Obamaning Nayrobiga kelishidan 50 daqiqa avval va u jo‘nab ketganidan keyin 40 daqiqa davomida yopib qo‘yiladi.
Obamaning Afrika bo‘ylab safari 23-28 iyul kunlari bo‘lib o‘tishi mo‘ljallangan. Obama Keniya va Efiopiyaga tashrif buyuradigan birinchi AQSh prezidenti bo‘ladi.