Turkiya va Suriya chegarasida 2015 yilning birinchi yarmi davomida noqonuniy ravishda harakatlangani uchun qo‘lga olinganlardan 3 nafari O‘zbekiston fuqarolari ekani ma'lum qilindi.
Anadolu nashrida yozilishicha, bu muddat davomida Suriya bilan chegarada jami 457 nafar xorijliklar IShID safiga o‘tish uchun ketayotgani gumon qilinib, qo‘lga olingan. Qo‘lga olinganlarning dunyodagi 32 davlatga mansubligi qayd etilgan bo‘lib, shulardan 3 nafari o‘zbekistonlik, 29 nafari turkmanistonlik, 6 nafari tojikistonlik va bir nafari qozog‘istonlik ekani aniqlangan.
Turkiya maxsus xizmatlari ularning barchasini terroristik tashkilotlar bilan aloqadorlikda gumon qilgan.