«Arsenal» bosh murabbiyi Arsen Venger jamoa direktorlar kengashi a'zosi Filip Xarrisning hisob-raqamda 200 million funt borligi haqidagi gapiga o‘z munosabatini bildirdi.
«Uning so‘zlaridan foyda bormi yoki yo‘qmi, bilmayman. U haddan tashqari chuqurlashib ketdi. Bu noto‘g‘ri. Hozir vaziyat shundayki, agar imkoniyat yuzaga kelsa, transfer borasida nimadir qilishga harakat qilamiz.
O‘tgan haftada biz Sanches va Uelbeksiz gol urdik. Chiziqlarimiz mustahkam, tarkibimiz kuchli. Men xotirjamman. Agar imkoniyat yuzaga kelsa, transfer bozorida kimnidir qo‘lga kiritishga urinib ko‘ramiz.
Raqiblarimiz, agar ular buni chindan ham xohlayotgan bo‘lsalar, pul sarflashmoqda. Buning hayron qoladigan joyi yo‘q. Bankda pullarning borligi foydani anglatmaydi. So‘nggi olti oy ichida biz pul sarf qildik. Bankda 200 million funt bo‘la turib ham bankrot bo‘lish mumkin. Bu borada juda ham chuqurlashishni istamayman.
Moliyaviy ahvolimiz yaxshi, moliya tomonlama muammo yo‘q. Barcha e'tiborni futbolga, tarkibimizga keladigan o‘yinchilarimizning sifatiga e'tibor qaratishimiz kerak, ularning narxiga emas», – deydi Venger.
1 kun oldin "Arsenal" jamoasinin direktorlar kengashi a'zosi Filip Xarris hisob-raqamda 200 million funt borligi va buning evaziga Venger Messi yoki Ronaldudan boshqa har qanday futbolchini olib kelish imkoniga egaligi, shuningdek "Tottenhem" "Arsenal"dan taraqqiyot bo‘yicha 5 yil ortda qolayotgani haqida fikrlarini bildirib o‘tgandi.