«Real» «PSJ»ning Ronaldu bo‘yicha 120 mln yevrolik taklifini rad etgani aytildi

OAVlarda ma'lum qilinishicha, biroz muqaddam PSJ jamoasi Madridning “Real” jamoasiga hujumchi Krishtianu Ronaldu borasida rasmiy taklif bilan chiqqan.

AS nashri “qirollik klubi”ga portugaliyalik super yulduz uchun naqd 120 million yevro taklif etilgani haqida yozgan. Ammo “Real” hali beri Ronaldu bilan xayrlashish niyatida emas va shu boisdan moliyaviy jihatdan juda ajoyib taklif rad etilgan.

Shuni alohida ta'kidlash joizki, mazkur transferning amalga oshishi uchun PSJ prezidenti Nosir al-Xelayfiyning shaxsan o‘zi “Real” rahbari Florentino Peres bilan uchrashgan. Ammo Peres Xelayfiyga Ronalduning narxi bir milliard ekanini aytgan.