Rossiyaga qarshi sanksiyalarni YeIning yana 6ta davlati qo‘llab-quvvatladi

Yevropa Ittifoqining Rossiyaga nisbatan kiritgan iqtisodiy sanksiyalarining uzaytirilishiga yana 6ta davlat – Chernogoriya, Albaniya, Islandiya, Lixtenshteyn, Norvegiya va Ukraina qo‘shildi. Bu haqda YeI diplomatiyasi rahbari Federiki Mogerinining e'lonida ma'lum qilindi.

“YeIga a'zolikka nomzod davlatlar Chernogoriya va Albaniya hamda Yevropa erkin savdo uyushmasining a'zolari Islandiya, Lixtenshteyn va Norvegiya, Yevropa iqtisodiy hududi a'zolari va Ukraina sanksiyalarning uzaytirilishiga qo‘shiladi”, deyilmoqda xabarda.

Avvalroq YeI Kengashi Rossiyaga qarshi sanksiyalarni 2016 yilning 31 yanvarigacha uzaytirish qarorini qabul qilgan edi.