Banderas kubalik yozuvchi asari asosida suratga olinadigan serialda rol ijro etadi

Ispaniyalik aktyor Antonio Banderas AQShning Starz telekanalida namoyish etilishi rejalashtirilgan "Kuba kvarteti" (Cuban Quartet) nomli serialda ishtirok etadi.

Mahalliy OAVlarning xabar berishicha, bu serialga kubalik yozuvchi Leondro Paduraning "Fasllar" (Seasons) nomli tetralogiyasi asos qilib olinadi. Bu asar markazida hamisha yozuvchi bo‘lishni orzu qilgan maxfiy agent taqdiri yotadi.

Qayd etish joizki, AQSh va Kuba munosabatlari tiklanishidan keyin amerikaliklar Kuba madaniyati bilan tanisha boshlashdi.

Biroz oldinroq, Discovery Channel telekanali "Cuban Chrome" serialini namoyish qilishni boshlagandi. Bu serialda mashhur komik va teleboshlovchi Konan O`Brayan ham ishtirok etgan.
AQShdagi boshqa bir telekanal American Heroes ham Fidel Kastro hayoti haqida hujjatli film tayyorlash ustida ish olib bormoqda.