O‘zbekiston sog‘liqni saqlash vaziri Anvar Alimov Milliy matbuot markazida bo‘lib o‘tgan matbuot anjumanida bog‘chaga, maktabga borishdan oldin bolani gepatit A ga qarshi majburiy emlashga o‘z munosabatini bildirib o‘tdi.
“Avvalambor, hech qaysi bir davlatda gepatit A ga qarshi vaksina bepul qilinmaydi, – uning so‘zlarini keltiradi “Oila davrasida” nashri. – Ushbu kasallikka qarshi emlash, bunday muassasalarda epidemiologik barqarorlikni ta'minlashga xizmat
qiladi. Bola shunday biron kasal bilan to‘qnash kelganda ham unga gepatit A yuqmaydi. Shu maqsadda biz buni, garchi emlash kalendari yo‘q bo‘lsa-da, ota-onalarga tavsiya etganmiz. Buni to‘g‘ri tushunish kerak”.
Shuningdek, u Toshkent tug‘ruqxonalarida bo‘lajak onalardan propiska talab qilinishi noqonuniy ekanligini ta'kidlab o‘tdi.
