Isroil bosh vaziri: yadroviy dastur bo‘yicha kelishuv Eronga atom bombasi yaratishga yordam beradi

Eron yadroviy dasturi borasida erishilgan kelishuv Tehronga atom bombasi yaratish sari yo‘l ochib beradi. Bu haqda Isroil bosh vaziri Binyamin Netanyaxu Vashingtonda Shimoliy Amerika yahudiy federatsiyalari bilan o‘tkazilgan videokonferensiya chog‘ida bayonot berdi.

“Eron bilan kelishuv Tehronning atom bombasi yaratishiga to‘sqinlik qilmaydi, – dedi bosh vazir. – U faqat Eronning yo‘lini ochib beradi”.

Netanyaxuning fikricha, kelishuv ayni paytda butun dunyoda teraktlar va qurbonlarning ko‘payishiga olib keladi.

O‘z chiqishida bosh vazir Amerika yahudiylarini bu “yomon kelishuv”ga qarshi kurashishga chaqirdi.

“Yahudiy xalqi o‘z nomidan gapira olmaydigan kunlar tugadi”, – xulosa qildi u.