Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Туркиялик жуфтлик 4 минг суриялик қочқинга тўй дастурхони ёзди
18:59 / 05.08.2015
9578

Туркиянинг Килис вилоятида никоҳдан ўтган жуфтлик 4 минг нафар суриялик қочқинга тўй дастурхони ёзди. Куёв Фатҳуллоҳ Узумжуўғли ва келин Эсра Пўлат суриялик қочқинларга ёрдам бериш ҳамда уларни қўллаб-қувватлашини кўрсатиш учун шундай қарорга келишди.

Одатда турк тўйи сешанба куни бошланиб, чоршанба кунига қадар давом этади, дастурхон қариндошлар ва қўни-қўшнилар, танишлар учун ёзилади. Аммо ушбу жуфтлик бу одатдан воз кечди. Тантаналарда, қариндошлар ва яқинлардан ташқари, 4 минг қочқин ҳам иштирок этди. Ғоя куёвнинг отаси Али Узумжуўғлига тегишли. Тўй тантаналарининг суратлари Туркиянинг Kimse Yok Mu (KYM) нодавлат гуманитар ташкилотининг ижтимоий тармоқлардаги саҳифаларида жойлаштирилди.

Килисда 4 минг нафар суриялик қочқин турибди. Туркия бўйича қочқинлар миқдори 1 млн кишини ташкил қилади.


Улашинг
  • Теглар:
Top