Sankt-Peterburgdagi bankni tunashga uringan o‘zbekistonlik muhojir omadsizlikka uchradi

Ikki nafar shaxs Sankt-Peterburgdagi bankka to‘pponcha bilan qurollangan holda bostirib kirishga uringan va qo‘lga tushgan. Bu haqda Interfaks nashri xabar bergan.

Xabarda aytilishicha, bu voqea 7 avgust kuni Sankt-Peterburgning Primorsk tumanidagi banklardan birida ro‘y bergan. Bu vaziyatda qurollangan shaxslar bank boshqaruvchisiga tahdid qilib, pullar saqlanadigan bo‘limni ochishni va pullarni berishni buyurishgan.

Lekin, bank boshqaruvchisi ularga rad javobini bergan. Shundan so‘ng bosqinchilar bank hududini tark etishga urinishgan, lekin 23 yoshli rossiyalik yigit va uning 34 yoshli o‘zbekistonlik sherigi politsiya qo‘liga tushgan.

Ayni vaqtda ularga nisbatan "talonchilik" uchun moddasi bo‘yicha jinoiy ish ochilgan.