Jahon banki gaz sotib olish uchun Ukrainaga 500 mln dollar beradi

Jahon banki gaz sotib olish va u bilan yer osti gaz omborlarini to‘ldirish uchun Ukrainaga 500 mln dollar ajratishni rejalashtirmoqda Bu haqda Ukraina energetika vaziri Vladimir Demchishin ma'lum qildi.  

“Gaz sotish olish uchun 500 mln dollar bermoqchi bo‘layotgan Jahon banki va 200-250 mln dollar ajratishga tayyor bo‘lgan Xalqaro moliyaviy korporatsiya bilan faol muzokaralar olib borilmoqda”, deb aytdi Demchishin.  

Demchishinning aytishicha, Yevropa rekonstruksiya va taraqqiyot banki bilan ham muayyan kelishuvlarga erishilgan. Taxmin qilinishicha, bank sentabr oyida Ukrainaga 300 mln dollar ajratmoqchi. Ushbu qiymatdan bir qismi gaz sotib olishga sarflanadi.

Avvalroq Ukraina yer osti gaz omborlarini to‘ldirish uchun gaz hajmini kuniga 54,5 mln kub metrgacha oshirgani ma'lum qilingan edi.