Rossiya premer ligasi jadvalida 4 turdan keyin "Zenit" va TsSKA qo‘shhokimlik o‘rnatishdi

10 avgust oqshomida Rossiya premer ligasining yana 2 uchrashuvi o‘tkazildi va 4 tur o‘yinlari yakunlandi.

Kecha dastlab Qozonning "Rubin" jamoasi o‘z maydonida "Rostov" bilan kuch sinashdi va ketma-ket to‘rtinchi o‘yinda ham mag‘lubiyatga uchradi. Ayni vaqtda Rinat Bilyaletdinov boshqaruvidagi "Rubin" va "Anji" bilan birgalikda turnir jadvalining eng quyi o‘rnida qolmoqda.

Rubin – Rostov 0:3 (0:2, 0:1)
Gollar: 0:1 – 4 Buxarov, 0:2 – 39 Kanga, 0:3 – 73 Buxarov.
Rubin – Rijikov, Kambolov, Kverkveliya, Lemos, Kotuno, Georgiyev, Karadeniz, Ozdoyev, Bilyaletdinov, Kanunnikov (Dyadyun, 78), Sheydayev (Portnyagin, 46).
Rostov – Janayev, Margasov, Bashtush, Navas, Novoseltsev, Gatskan, Mogilevets, Kalachev (Terentev, 75), Kanga, Dumbiya (Poloz, 79), Buxarov (Yu Ben Su, 75).
Ogohlantirishlar: Buxarov (35), Kambolov (59), Ozdoyev (82), Georgiyev (90).

"Krasnodar" esa o‘z maydonida "Krasnodar derbisi"da "Kuban"ga qarshi o‘yin o‘tkazdi va durang bilan kifoyalandi. Jamoa 4 turdan keyin 5 ochko jamg‘argan holda 8 o‘rinda ketmoqda.

Krasnodar – Kuban 1:1 (0:0, 1:1)
Gollar: 0:1 – 50 Melgarexo, 1:1 – 90 Smolov.
Krasnodar – Dikan, Kaleshin, Sigurdsson, Grankvist, Petrov, Odil Ahmedov (Pereyra, 57), Gazinskiy, Mamayev, Vanderson (Bystrov, 77), Ari (Laborde, 57), Smolov.
Kuban – Belenov, Shandao, Shunich, Armash, Bugayev, Kulik (Balde, 89), Rabiu, Tlisov, Ignatev (Xubulov, 90), Melgarexo, Tkachev (Arshavin, 82).
Ogohlantirishlar: Tlisov (71), Pereyra (72), Shunich (85), Armash (87).

Ayni vaqtda 4 turda "Ufa"ni mag‘lub etib, navbatdagi 3 ochkoni qo‘lga kiritgan "Zenit" va "Amkar"ni mag‘lub etib, g‘alabali seriyasini davom ettirgan TsSKA jamoalari 12tadan ochko jamg‘argan holda 1 va 2 o‘rinlarni bo‘lishib turishibdi.

3 va 4 o‘rinlarda esa Moskvaning yana 2 jamoasi "Lokomotiv" hamda "Spartak" joylashgan. Ularning hisobida 10tadan ochko bor, to‘plar nisbati evaziga "Lokomotiv" uchinchi o‘rinda turibdi. Bu jamoa 4 turni "Ural"ga qarshi safarda o‘tkazib, 3:1 hisobidagi g‘alaba bilan qaytgan. "Spartak" ham 4 turda safarda o‘ynadi va Promesning gollari evaziga "Krilya Sovetov"ni 2:0 hisobida taslim etdi.

Jadvalning beshinchi o‘rniga "Rubin"ni mag‘lub etgan "Rostov" (8 ochko) ko‘tarilib olgan. Bu jamoani "Amkar" va "Dinamo" ta'qib etmoqda. Moskvaning "Dinamo" jamoasi 4 turni "Anji"ga qarshi safarda o‘tkazdi va Valbuenaning jonbozligi evaziga o‘ta qiyin uchrashuvda 3:2 hisobida g‘alaba qozondi. Jamoada ayni vaqtda 5 ochko to‘plagan. Lekin bu jamoani yaqin orada Valbuena tark etib, "Lion"ga o‘tishi kutilmoqda.

TsSKA – Amkar 2:0 (2:0, 0:0)
Gollar: 1:0 – 2, penalti Natxo, 2:0 – 41 Toshich.

Ufa – Zenit 0:1 (0:0, 0:1)
Gol: 0:1 – 86 Danni.

Krilya Sovetov – Spartak 0:2 (0:1, 0:1)
Gollar: 0:1 – 5 Promes, 0:2 – 52 Promes.

Ural – Lokomotiv 1:3 (0:2, 1:1)
Gollar: 0:1 – 28 Samedov, 0:2 – 40 Nyasse, 1:2 – 73 Yeroxin, 1:3 – 90 Maykon.

Anji – Dinamo 2:3 (2:2, 0:1)
Gollar: 1:0 – 5 Maksimov, 1:1 – 19 Kozlov, 2:1 – 35, penalti Boli, 2:2 – 45 Gubochan, 2:3 – 79, penalti Valbuena.

Terek – Mordoviya 0:0 (0:0, 0:0)