2015 yilning ikkinchi choragida O‘zbekistonda beg‘araz texnik ko‘mak dasturlari doirasida 45.8 mln dollarlik 31 grant olindi.
O‘zbekiston moliya vazirligining ma'lum qilishicha, sog‘liqni saqlash sohasiga yo‘naltirilgan 8 grantning umumiy qiymati 18.6 mln dollarni tashkil qiladi.
Fan va ta'lim sohasiga 15 mln dollarlik 3ta grant jalb qilingan.
Shuningdek, iqtisodiyot va moliya bozorini rivojlantirishga 7.3 mln dollarlik 7ta grant, ekologiya sohasiga 2.2 mln dollarlik 3ta grant, qishloq va suv xo‘jaligiga 300 ming dollarlik 2ta grant yo‘naltirildi.
Ijtimoiy himoya va madaniyatni rivojlantirishga qaratilgan grantlar qiymati 1.9 mln dollarni tashkil qildi. Boshqa yo‘nalishlarga jalb qilingan 3ta grantning umumiy qiymati 500 ming dollarga yetdi.
