Qirg‘iziston Yevroosiyo iqtisodiy ittifoqi (YeII)ning to‘la huquqli a'zosiga aylandi. Bu haqda Qozog‘iston prezidenti Nursulton Nazarboyev va Qirg‘iziston prezidenti Almazbek Atambayev e'lon qildi, deb yozadi RIA Novosti.
YeIIga a'zo bo‘lish tantanali marosimi Qozog‘iston va Qirg‘iziston davlat chegarasidagi “Ak-Jol avtoyo‘l” chegara nazorat o‘tkazish punktida bo‘lib o‘tdi. Marosimdan so‘ng Qirg‘iziston va YeIKga a'zo davlatlar o‘rtasidagi bojxona cheklovlari bekor qilindi.
Shuningdek, Qirg‘iziston hududida yagona bojxona tarifi va YeII tashqi iqtisodiy faoliyatining yagona nomenklaturasi kuchga kirdi. Bojxona kengashining texnik reglamenti joriy etilgan mahsulotlarga o‘rnatilgan yagona talab ham joriy etildi.
Rossiyada esa qirg‘izistonlik mehnat muhojirlari uchun milliy mehnat bozorini himoya qilish va mamlakatda mehnat qilishga ruxsat beruvchi hujjatlarni olish bo‘yicha o‘rnatilgan barcha cheklovlarni bekor qildi. Qirg‘iziston fuqarolari Rossiya hududida mamlakatga kirgan vaqtidan bir oy muddat ichida rasmiy ro‘yxatdan o‘tish majburiyatidan ozod qilindi, ta'limga oid qirg‘iz hujjatlari YeIKga a'zo barcha mamlakatlarda tan olinadi.