12:18 / 13.08.2015
2141

«Atletiko» Simeone bosh murabbiyligida jami 284 million yevroga futbolchi sotgani ma'lum bo‘ldi

As nashrida yozilishicha, "Atletiko" klubi jamoa bosh murabbiyligiga Diyego Simeone kelgan 2012 yildan beri jami 284 million yevroga futbolchi sotgan.

Transfer qilingan futbolchilar ichida eng qimmati Radamel Falkao bo‘lgan. Kolumbiyalik futbolchi 2013 yilning yozida 60 million yevro evaziga "Monako"ga o‘tgandi.

2014 yilning yozida esa Diyego Kosta va Filipe Luisning tranchferi evaziga "matraschilar" 58 million yevro ishlab olgan.

Joriy mavsumda "Atletiko" turkiyalik yarim himoyachisi Arda Turanni 34 million yevro evaziga "Barselona"ga transfer qildi. Bundan tashqari, Turanning "Barselona"da faoliyati yaxshi kechsa, "Atletiko" yana 7 million yevro bonus oladi.

Qayd etish joizki, jamoa biroz oldinroq, Diyego Godin, Koke, Yan Oblak va Antuan Grizmann bilan shartnomani yangiladi.

Top