Ganalik muhojir Germaniyada tug‘ilgan qiziga Angela Merkel ismini berdi

Ganadan Germaniyaga qochqin sifatida kelgan Ofeliya Ade o‘z qiziga Angela Merkel deb ism qo‘ydi. Bu haqda DPA axborot agentligi xabar tarqatgan.

"U (Germaniya kansleri - KUN.UZ izohi) juda yaxshi inson. U menga har taraflama yoqadi", deb o‘z qarorini asoslaydi 26 yoshli ayol.

Tegishli idorada uning qaroriga e'tiroz bildira olishmagan.

Angela Merkel Ade shu yilning 2 fevralida Gannoverdagi sobiq klinika o‘rnida joylashgan boshpanada tug‘ilgani aytilgan. Uning onasi bu yerda taxminan 730 nafar boshqa muhojirlar bilan birgalikda yashagan.