Noma'lum shaxslar Meksikadagi barda narkabaron va jurnalistni otib tashladi

Besh nafar qurollangan jinoyatchi Meksika janubi-sharqidagi Verakrus shtati, Orisaba shahrida joylashgan barlardan biri mijozlariga xujum uyushtirgan. Mahalliy hukumatning ma'lum qilishicha, xujum natijasida olti kishi, shu jumladan, bir stol atrofida o‘tirgan "Los-Setas" narkokartelining taniqli vakili Xose Markes Balderas va jurnalist Xuan Eriberto Santos Karrera halok bo‘lgan.

Hodisa vaqtida barda yana ikki muxbir bo‘lgan. Ularning boshiga shisha bilan urishgan, biroq bundan jurnalistlar qariyb jabr ko‘rishmagan, deb yozadi mahalliy ma'muriyatning "Universal" nashri. Yana bir gazeta – "Buen Tono"ning yozishicha, jinoyatchilar jurnalistlar emas, balki stol atrofida o‘tirgan sakkiz kishi uchun kelishgan. Ularning olti nafarini otib tashlagan, ikkisi tirik qolgan.

Politsiya savollariga javob bergan ikki jurnalist ayni paytda hukumat himoyasi ostiga olingan.

Jinoyatchilar ularni qo‘lga olish jarayonida ikki politsiyachini jarohatlab, voqea joyidan yashirinishgan. Ulardan birining ahvoli og‘ir ekani aytilmoqda.