Janubiy Koreya prezidenti Pak Kin Xe mamlakatning Yaponiya istibdodidan ozod bo‘lishiga 70 yil to‘lishi munosabati bilan fuqarolarga televideniye orqali murojaat qildi. Bu haqda RIA Novosti agentligi xabar bermoqda.
“Yaponiya hukumati o‘zining samimiy xatti-harakatlari va tarixiga haqqoniy baho berish yo‘li bilan qo‘shni davlatlar va jahon hamjamiyatining ishonchini qozonishi kerak bo‘ladi”, – ta'kidladi Pak Kin Xe.
Shuningdek, u Shimoliy Koreyaga siyosiy chegaralar bilan ajratilgan oilalar muammosini hal qilish, yagona sog‘liqni saqlash tizimi va temir yo‘llarini kengaytirishda hamkorlikka chaqirdi.
Eslatib o‘tamiz, bugun har ikki Koreya Yaponiya kolonializmidan xalos bo‘lganining 70 yilligini nishonlaydi. 1945 yilning 15 avgust kuni militaristik Yaponiya kapitulyatsiya e'lon qilishi bilan uning mustamlakalari ham mustaqillikka erishgan edi. Ushbu sana Koreyada har yili nishonlanadi.