Toshkent shahri ko‘chalarida trotuarlarni tozalovchi mashinalar paydo bo‘ladi

2022 yilgacha Toshkent hokimiyati huzuridagi obodonlashtirish bosh boshqarmasi yo‘l parki 121ta maxsus transport texnikasi va mexanizatsiya vositalari bilan to‘ldiriladi. 121ta maxsus transport texnikasi va mexanizatsiya vositalarining umumiy qiymati 16,5 mlrd so‘mni tashkil etadi.

Bu mablag‘lar shahar hokimiyati byudjyeti hisobidan ajratiladi.

Shuningdek, har biri 210 mln so‘m turadigan 40 ta kombinirlangan mashina (qor kurovchi, suv quyuvchi-tozalovchi, qum sochuvchi) olish rejalashtirilgan. Bu mashinalardan 7 tasi 2016 yildayoq Toshkent bo‘ylab xizmat ko‘rsatishni boshlaydi.

Dasturga ko‘ra, 2017 yilda Toshkent shahri ko‘chalarida umumiy qiymati 566 mln so‘mni tashkil qiluvchi trotuarlarni tozalovchi uchta mashina paydo bo‘ladi. Bunday texnikadan umumiy 8ta sotib olish rejalashtirilgan.