"Manchester Siti" jamoasi Pedroni transfer qilish bo‘yicha kurashda "Manchester Yunayted" bilan raqobatni davom ettirmoqda.
"Shaharliklar" "Volfsburg"dan Kevin de Bryuyneni transfer qilishda niyatiga yeta olmagach, Pedroga e'tiborini qaratgan va uning uchun 32 mln yevro taklif qilgan.
Qayd etish joizki, bu futbolchi uchun "Manchester Yunayted" 30 mln yevro taklif qilgan. Biroz oldinroq, "qizil iblislar" Pedroning transferi bo‘yicha kelishuvga erishgani va shu hafta ichida uni o‘z safiga qo‘shib olganini e'lon qilishi haqida xabar tarqalgandi.
Pedroning o‘zi "MYu"ga o‘tishni istamoqda. Lekin, kataloniyaliklar rahbariyati ko‘proq mablag‘ taklif qilgan "Manchester Siti"ga sotib yuborishi mumkin.