Samarqandlik jurnalist Toshpo‘lat Rahmatullayev fuqarolik pasportiga yozuvlar tushirish, bukish va boshqa yo‘llar bilan buzish qasddan qilinmaganda qanday jazolanishi masalasiga qiziqib ko‘rdi.
O‘zbekiston Ma'muriy javobgarlik kodeksiga ko‘ra, pasportning qasddan shikastlanishi eng kam oylik ish haqining 1-3 barobaridagi jarima bilan jazolanadi. “Shikastlash qasddan sodir etilmagan bo‘lsa-chi? Bu yangi biometrik pasportga o‘tish sababli yo‘q qilinadigan eski pasport bo‘lsa-chi?”, – savol beradi Rahmatullayev.
Uning savollariga Samarqand IIBB mamlakatga kirish, chiqish va fuqarolikni ro‘yxatga olish bo‘limi boshlig‘i Sherzod Halimov javob berdi.
“Qonunchilikda hujjatga ehtiyotsizlik tufayli shikast yetkazildi degan tushuncha yo‘q”, – dedi u.
“Siz Ma'muriy javobgarlik kodeksining tegishli moddasiga o‘zgartish kiritishni so‘rab Vazirlar Mahkamasiga murojaat qilishingiz mumkin”, – kinoya bilan qo‘shib qo‘ydi u.