Xitoy shimoli-sharqidagi Xeyluntszyan provinsiyasida 17 avgust kuni mamlakatning eng shimoliy qismidagi ilk tezyurar temir yo‘l foydalanishga topshirildi, deya xabar berdi China News agentligi.
Umumiy uzunligi 281 kilometr bo‘lgan temir yo‘l uchastkasi Xarbin va Tsitsikar shaharlarini o‘zaro bog‘laydi. Mazkur uchastkada poyezdning eng yuqori tezligi soatiga 250 kilometrni tashkil etadi. Rejaga ko‘ra, har yillik yo‘lovchi tashish hajmi 8 million kishini tashkil etadi.
Ayni paytda Xitoy tezkor temir yo‘llar sohasida dunyodagi eng rivojlangan mamlakat hisoblanadi. Ularning umumiy uzunligi 19 ming kilometrdan ziyod.