Britaniyalik ijaraga olgan 220 ming dollarlik Ferrari mashinasida avariyaga uchradi

Britaniyalik ijaraga olingan 220 ming dollarlik Ferrari`ni yaroqsiz holga keltirdi, deya xabar berdi Metro nashri.

Depozitga 5 ming dollar qo‘yib, bir kunlik ijara haqi bo‘lgan 850 dollarni to‘lagan erkak Ferrari 458 Italia superkarida qarindoshining to‘yiga yo‘l olgan edi. Biroq yo‘lda boshqaruvni yo‘qotib, ko‘cha yoqasida joylashgan uy ayvoniga urilgan. Shundan so‘ng taksi avtomobili bilan to‘qnashgan.

Hodisa natijasida hech kim jabrlanmagan. Biroq ijaraga olingan superkarga egalik qiluvchi firma rahbarining aytishicha, hodisa natijasida avtomobil butkul yaroqsiz holga kelgan.

“Men odamlar superkarlarni ko‘proq hurmat qilishini istar edim. Ular bunday avtomobillar “zarba yetmaydigan” emasligini bilishlari lozim”, – deb qo‘shimcha qildi u.