Daily Mail nashri Putinni Jyeyms Bond haqidagi filmlardagi yovuz qahramonga qiyosladi

Buyuk Britaniyaning Daily Mail nashri Qora dengiz tubiga batiskafda sho‘ng‘igan Vladimir Putinni Jyeyms Bond haqidagi filmlardagi yovuz qahramonga qiyosladi.

Nashr 15 yil avval Putin o‘zining “noodatiy qilmishlari” bilan, jumladan sterxlar (oq laylak) bilan parvoz qilish yoki yalang‘och gavda bilan ot ustida paydo bo‘lish orqali nom taratganini eslatib o‘tdi. Nashr Putinning batiskafda sho‘ng‘ishi bu kolleksiyaning yana bitta “eksponatga” boyiganini anglatishini aytdi.        

“Vladimir Putin o‘zining yer osti makoniga “orqa eshik” qidirib o‘tirmadi”, deb yozdi nashr.

Batiskafning gumbazsimon oynasidan qarab turgan Putin maqola muallifiga Jyeyms Bond filmlaridagi yovuz qahramonni eslatib yubordi.

Nashrning ta'kidlashicha, Putinning kameralar oldida bunday alfozda paydo bo‘lishi uni “qo‘rqmas yigit” qilib ko‘rsatish va reytingini oshirish uchun puxta o‘ylangan.

Avvalroq Putin batiskafda Qrim sohillari yaqinida Qora dengiz tubiga sho‘ng‘ib, u yerda XI asrga tegishli kemalar qoldiqlarini kuzatib, u yerda kemalar qoldiqlari va ko‘plab sonda amforalar topgani ma'lum qilingan edi.