08:26 / 19.08.2015
2386

Indoneziya chet ellik brakonerlarning 30dan ziyod kemasini cho‘ktirib yubordi

Indoneziya hukumati arxipelag hududlarida noqonuniy ov bilan shug‘ullangan chet elliklardan olib qo‘yilgan 34ta suv kemasini dengiz tubiga cho‘ktirib yubordi, deya xabar berdi Jakarta Post nashri.

Tailand, Vetnam, Filippin va malayziyalik brakonerlarning bo‘sh kemalari Indoneziya mustaqilligining 70 yilligi munosabati bilan g‘arq qilingan. Ularning 5tasi dinamit yordamida portlatib yuborilgan.

Dengiz masalalari vazirligi vakilining so‘zlariga ko‘ra, cho‘ktirilgan kemalar baliqlar uchun sun'iy rif vazifasini bajaradi.

Top