Ukraina amerikalik bokschi Roy Jonsni o‘zining "Mirotvorets" nomli ro‘yxatiga kiritdi. Bu haqda Ukraina IIV rahbari maslahatchisi Anton Gerashchenko ma'lum qilgan.
Aniqlik kiritilishicha, bokschi Qrimga qilgan tashrifi tufayli shunday qora ro‘yxatdan joy olgan.
Eslatib o‘tamiz, 20 avgust kuni Roy Jons Rossiya fuqaroligini olish uchun ariza topshirdi. Bu jarayon Yaltadagi matbuot anjumani davomida o‘tkazilgan.
Undan oldinroq, bokschi Rossiya prezidenti Vladimir Putin bilan uchrashgan va Rossiyada ishlashiga imkon uchun rus pasportini berishini so‘rab murojaat qilgandi.
"Mirotvorets" ro‘yxatiga Roy Jons Ukraina chegarasini ruxsatsiz buzib o‘tgani uchun kiritildi", deb yozdi Gerashchenko o‘z feysbukida.