O‘zbekistonda sentabr oyida ICTWEEK Uzbekistan 2015 haftaligi bo‘lib o‘tadi

14-18 sentabr kunlari ICTWEEK Uzbekistan 2015 Axborot-kommunikatsiya texnologiyalar haftaligi bo‘lib o‘tadi. Haftalik matbuot xizmatining xabar qilishicha, u ilk marta o‘tadigan bir qancha maxsus tadbirlarni o‘z ichiga oladi.

ICTEXPO 2015 ko‘rgazmasi misli ko‘rilmagan miqyosda bo‘lib o‘tishi aytilmoqda — unda 150ta kompaniya 2000 kv. metrlik maydonda tovar va xizmatlarini namoyish qiladi. Ko‘rgazma Toshkent (15-17 sentabr) va Samarqand (15-15 sentabr) shaharlarida tashkil etiladi. Unga 30 ming kishi kelishi kutilmoqda.

Ilk marta o‘tkazilayotgan ICTFORUM 2015 forumi (16-17 sentabr) AKTning rivojlanish tendensiyalarini muhokama qilish uchun ekspertlarning o‘ziga xos bahs maydoni bo‘lishi bashorat qilinmoqda. U turli bloklarga bo‘lingan konferensiyalar (eGovernment Uzbekistan, BestSoft Uzbekistan, Startup Conference, «AKT va turizm»), seksiya majlislari («Telekommunikatsiya i infratuzilma», «Internet va axborot resurslari», «Axborot xavfsizligi»), mahorat saboqlari va guruh muhokamalari shaklida o‘tadi.

18 sentabrda bo‘lib o‘tadigan ICTSUMMIT 2015 an'anaviy AKT sammiti sohaning yil davomidagi rivojlanishiga yakun yasaydi hamda kelajakdagi strategik vazifalarni belgilaydi. Sammitda davlat idoralari, IT-korxonalar va tashkilotlar rahbarlari, xalqaro ekspertlar va jahon kompaniyalari vakillari ishtirok etadi.

15-17 sentabrda ICTEXPO 2015 doirasida Gadget Fair gadjyetlar yarmarkasi o‘tkaziladi. Unga keluvchilar eng yangi qurilmalarni xarid qilishi mumkin.
ICTWEEK Uzbekistan 2015 haftaligida qatnashish uchun www.ictweek.uz saytida ro‘yxatdan o‘tish zarur.

AKT haftaligi Axborot texnologiyalari va kommunikatsiyalarini rivojlantirish vazirligi ko‘magi bilan o‘tkazilmoqda. Tadbir tashkilotchilari — O‘zbekiston axborot texnologiyalari korxonalari va tashkilotlari uyushmasi va ICTNEWS nashri hisoblanadi.