Brendan Rojyers: Birinchi taymda Petr Chex qahramonlarcha o‘ynadi

"Liverpul" jamoasi bosh murabbiyi Brendan Rojyers 24 avgust oqshomida "Arsenal"ga qarshi "Emireyts" o‘yingohida o‘tkazilgan o‘yinda o‘z shogirdlari namoyish etgan o‘yindan ko‘ngli to‘lganini bildirdi.

"O‘ylashimcha biz ajoyib o‘yin ko‘rsatdik. Bunga muxlislar birinchi taymda guvoh bo‘lishdi. Siz mahalliy muxlislar Chexning har bir seyvini qanday olqishlashgani eshitgandirsiz?

Hujumlar qilish barobarida biz o‘z darvozamiz daxlsizligini saqlab qoldik. G‘alaba qozona olishimiz ham mumkin edi, lekin bunga erishmadik.

O‘yinda har ikki darvozabon ham yaxshi harakat qildi.

Bu o‘yin ko‘rsatdiki, bu jamoalar yaxshi transferlarni amalga oshirishgan.

"Liverpul" birinchi taymda ko‘plab golli vaziyatlar yaratdi, lekin Chex o‘z jamoasini gollardan saqlab qoldi.

Biz ikkinchi taymda asosan qarshi hujumda o‘ynadik va bunday hujumlarning har biri raqib darvozasiga tahdid solish bilan yakunlandi. Shogirdlarim yaxshi ishlashdi", deydi murabbiy.