Avstriyada 50 nafarga yaqin muhojir jasadlari ortilgan yuk mashinasi topildi

Avstriya sharqida qoldirib ketilgan yuk mashinasida muhojirlarning jasadlari borligi aniqlandi. Bu haqda mahalliy Krone nashri xabar qilmoqda.

Ma'lum qilinishicha, mashina yukxonasida 50 nafarga yaqin muhojirning jasadi bo‘lib, ular bo‘g‘ilishdan halok bo‘lgan.
Boshqa tafsilotlar aniqlashtirilmoqda.

Qayd etish joizki, ayni vaqtda Yevropadagi noqonuniy muhojirlar soni Ikkinchi jahon urushi davridagi ko‘rsatkichlardan ham oshib ketdi. Shu yilning iyulida ularning soni 107,5 ming nafardan oshgan. Bu 2014 yilning shu davriga nisbatan 3 barobar ko‘proq demakdir.

Germaniya Gretsiya va Italiya kabi Yevropaning janubiy mamlakatlarida muhojirlarni ro‘yxatdan o‘tkazish markazlarini tashkil qilishni taklif qilmoqda.

Chexiya tomoni esa mavjud vaziyat tufayli zudlik bilan shengen hududini yopish kerakligini aytmoqda.