«IShID» jangarilari Turkiyaning janubiga chegaradosh yerlarni qaytadan bosib oldi

«IShID» terrorchilik guruhi Suriyaning Turkiyaga chegaradosh hududlarini qayta egallab oldi. Bu haqda Reuters axborot agentligi xabar tarqatmoqda.

Isnon huquqlari bo‘yicha Suriya observatoriyasi (Syrian Observatory for Human Rights, SOHR) bergan ma'lumotlarga ko‘ra, jangarilar beshta qishloqni (shularning ikkitasi Turkiya va Suriya o‘rtasidagi chegara chizig‘i tortishuvli hududlarda) egallab olishgan.

"IShID" vakillarining o‘zi esa uchta qishloq va chegaradan 20 km. uzoqlikdagi Mari shaharchasini egallab olishgani haqida xabar tarqatishgan.

Eslatib o‘tamiz, oldinroq AQSh va Turkiya Suriya hududidagi "IShID" jangarilariga qarshi kurashish uchun hamkorlikda harbiy havo kuchlarini ishga solish bo‘yicha kelishib olishgandi.