Roskomnadzor Google va Facebook’ni shaxsiy ma'lumotlarni saqlash to‘g‘risidagi qonun asosida tekshirishning iloji yo‘qligini tan oldi

Roskomnadzor tashkiloti shaxsiy ma'lumotlarni saqlash to‘g‘risidagi qonunning amal qilinishi bo‘yicha Google va Facebook singari Rossiyada ofisi bo‘lmagan xalqaro tashkilotlarni tekshira olmaydi. Bu haqda idora vakili Vadim Ampelonskiyga tayangan holda “Vedomosti” gazetasi yozmoqda.

“Facebook’ning Rossiyada ofisi yo‘q, Google ofisi esa faqat marketing funksiyasini amalga oshiradi. Ya'ni biz Rossiyada yuridik jihatdan mavjud bo‘lmagan kompaniyalarda shunchaki oddiy tekshiruv o‘tkaza olmaymiz”, - tushuntirdi Ampelonskiy.
Ampelonskiy, shuningdek, Roskomnadzor yirik xorijiy internet kompaniyalarni 2016 yildan ertaroq tekshiruvdan o‘tkazishni rejalashtirmayotganini aytib o‘tdi.