XXR raisi Si Tszinpin dunyoning barcha davlatlarini Ikkinchi Jahon urushi yakunlaridan saboq chiqarishga hamda munosabatlarni o‘zaro hurmat asosiga qurishga chaqirdi.
“Bugungi dunyo ham tinch emas. Urush tahdidi hozirgacha insoniyat boshi uzra qilich misol turibdi. Shu bois tarix saboqlaridan to‘g‘ri xulosalar chiqarib, butun dunyoda tinchlikni himoya qilishimiz kerak”, - dedi u Pekinda Ikkinchi Jahon urushi yakunining 70 yilligiga bag‘ishlab o‘tkazilgan parad chog‘ida.
Xitoy yetakchisi faqat o‘zaro hurmat, tenglikkina tinch-totuv hayotni va barcha davlatlarning gullab-yashnashini ta'minlab berishini ta'kidlab o‘tdi.