Kerri Rossiyaning Suriyada harbiy mavjudligi haqidagi xabarlar borasida Lavrovga o‘z xavotirini bildirdi

AQSh Davlat kotibi Jon Kerri Rossiya tashqi ishlar vaziri Sergey Lavrov bilan telefon orqali suhbati chog‘ida Suriyadagi vaziyat borasida xavotir bildirdi. Bu haqda AQSh Davlat departamenti saytidagi xabarda ma'lum qilindi.

Xususan, Kerri Lavrov bilan OAVlarda paydo bo‘lgan “Suriyada Rossiya harbiy aralashuvining oshirilayotgani” haqidagi xabarlarni muhokama qildi.

Kerri “agar bu xabarlar haqiqatga mos kelsa, unda bunday harakatlar mojaroning yanada chuqurlashishiga olib kelishini” aytdi.

Bundan avval The Telegraph nashrida Rossiya Suriyada harbiy baza qurib, u yerga bir necha yuz harbiyni yuborishni rejalashtirayotgani aytilgan maqola chop etilgan edi.