Tojikistonda isyonchi general Abduhalim Nazarzodaning tarafdorlarini qo‘lga olish davom etmoqda.
Ilgariroq mudofaa vazirligi desantchi brigadasi komandiri o‘rinbosari podpolkovnik Mustafo Nazarov va mudofaa vazirligi moliya boshqarmasi katta inspektori mayor Nasim Yusupovlar hibsga olingani xabar qilingan edi. Endilikda huquqni muhofaza qiluvchi organlari xodimlari Bahodur Kabirov va Tojiddin Sobirovlar qo‘lga olingani ma'lum qilinmoqda.
Aytilishicha, ular tayyorlanayotgan hujumlar haqida ma'lumotga ega bo‘la turib bu haqida rahbariyatni boxabar qilmagan.
