Chagayev-Okendo o‘rtasidagi revansh jangi 17 oktabr kuni Germaniyada bo‘lib o‘tadi

Promouter Timur Dugazayev superog‘ir vazn toifasida WBA yo‘nalishi bo‘yicha chempion Ruslan Chagayev (O‘zbekiston, 34-2-1, 21 KO) va Fres Okendo (Puerto-Riko, 37-8, 24 KO) o‘rtasidagi revansh jangi bo‘lib o‘tadigan manzilni e'lon qildi. Bu haqda «R-Sport» nashri xabar tarqatdi.

«Chagayev va Okendo o‘rtasidagi revansh jangi 17 oktabr kuni Germaniyaning Kil shahrida joylashgan «Shparkassen-Arena»da bo‘lib o‘tadi. Hozirda Ruslan Pedro Dias boshchiligida AQShning Mayami shtatida tayyorgarlik ishlarini olib bormoqda. Bu jarayon taxminan 5 oktabrgacha davom etadi. Shundan so‘ng Ruslan Germaniyaga uchib keladi», — deya Dugazayeva so‘zlaridan iqtibos keltiradi «R-Sport».

Ma'lumot uchun, Chagayev — Okendo jangi g‘olibi Lukas Braunga qarshi (Avstraliya, 22-0, 19 KO) ringga ko‘tariladi.

Eslatib o‘tamiz, o‘tgan yilning iyul oyida Checheniston poytaxti Grozniyda Chagayev Okendo ustidan ochkolar bo‘yicha — 115:113, 115:113, 114:114 hisobida ustun kelgandi.