Sechin Rossiyada neft qazib olish hajmini 1,5 barobarga oshirishga ruxsat berdi

“Rosneft” rahbari Igor Sechin Rossiyada neft qazib olishning yillik hajmi 526,7 mln tonnadan 700 mln tonnaga qadar oshirilishini ma'lum qildi. U Rossiyani ulkan neft potensialiga ega mamlakatlardan biri ekanini ta'kidlab o‘tdi.

Singapurda bo‘lib o‘tayotgan FT Commodities konferensiyasi chog‘ida Sechin “Rosneft” neft bilan birga gaz qazib olish hajmini ham oshirish rejasida ekanini aytib o‘tdi.

2014 yil yakunlariga ko‘ra, Rossiyada neft qazib olish hajmi yiliga 526,7 mln tonnani tashkil etgan edi. Rossiya Iqtisodiyot va taraqqiyot vazirligi bashoratiga ko‘ra, 2015 yilda bu ko‘rsatkich 530,5 mln tonnani tashkil etadi.

Konferentsiyada so‘zga chiqqan Sechin Rossiya neft sohasida Venesuela va Eron bilan bir qatorda turuvchi jiddiy istiqbollarli ega mamlakat hisoblanishini ta'kidlab o‘tdi. Uning fikricha, muqobil energiya manbalari rivojlanishidagi o‘sishlarga qaramasdan, ularning neft mahsulotlari o‘rnini bosishiga hali ancha vaqt bor.