Yuzlab abonentlar Beeline aloqasi sifati o‘lchovlariga jalb etildi

Aloqa operatori Beeline Mobile Quality Analyzer (MQA) innovatsion mobil ilovasini ishga tushirdi va taqdim etilayotgan ximatlar o‘lchoviga ilk foydalanuvchilarni uladi.
5 sentabr, shanba kuni Halqaro Biznes-markazida o‘z smartfonlariga mobil ilovani yuklab olish istagidagi abonentlar ishtirokida tadbir bo‘lib o‘tdi. Bugungi kunda yuzlab abonentlar aloqa sifatini yaxshilashda ko‘mak beruvchi volontyorlar safiga qo‘shildilar.

Voqeani sharhlar ekan Unitel‘ning mijozlar tajribasini rivojlantirish bo‘yicha loyiha rahbari Oraz Abdurazakov shunday dedi: “Ilovani yuklab olgan foydalanuvchilar tadbirning o‘zida uning imkoniyatlarini o‘rganib chiqdilar, va kompaniyaning texnik bo‘limi xodimlaridan o‘z savollariga javoblarni oldilar. Biz MQA dasturining rivojlanishi ustida ish olib borishni davom etmoqdamiz, va yaqin vaqt ichida butun respublika bo‘ylab yana minglab abonentlarni unga jalb etishni rejalashtirmoqdamiz”.

Eslatib o‘tamiz, iyul oyining boshida Beeline O‘zbekiston uchun noyob bo‘lgan Mobile Quality Analyzer taqdim etilayotgan xizmatlarning sifatini tarmoqda monitoring qilish dasturi ishga tushirilgani haqida e'lon qilgan edi. MQA o‘lchov natijalari kelgusi ishlash, hisobotlar, grafiklar va boshqa analitik ma'lumotlar yaratish uchun ma'lumotlar bazasida saqlanib qoladi. Tarmoq holati va drayv-testlar natijalarining ichki monitoring jarayoni ushbu ma'lumotlar bilan to‘ldiriladi, buning natijasida tarmoqni kengaytirish va samarali rejalashtirish uchun to‘liq analiz yaratib beriladi.