Afg‘onistonlik velosipedchilar tinchlikni qo‘llab-quvvatlash maqsadida veloturne boshlashdi

2 nafar afg‘onistonlik velosipedchi tinchlikni qo‘llab-quvvatlash maqsadida veloturne boshlashdi. Aytilishicha, sportchilar 3ta qit'a bo‘ylab sayohat qilishadi.
Afg‘on hukumati tinchlik elchisi Nodirshoh Nangarxoriy va uning o‘g‘li turneni iyul oyida Istanbuldan boshlashgani aytilmoqda.

“Afg‘on xalqi tinchlikni istaydi, biz urushdan charchadik, - dedi u Pragada Ozod Yevropa radiosiga bergan intervyusida. – Men buni yo‘limda uchraydigan insonlarga yetkazishdan umid qilmoqdaman”.
Nangarxoriy Germaniya, Skandinaviya va Buyuk Britaniyaga velosipedda borib, so‘ng Shimoliy Amerikaga uchib o‘tmoqchi. Shimoliy Amerika mamlakatlarida bo‘lgach, ota-o‘g‘il velosipedchilar Avstraliyada bo‘ladi.

Afg‘oniston milliy olimpiya qo‘mitasi sportchilarni tegishli asbob-uskuna va vositalar bilan ta'minladi. TIV esa vizalarni rasmiylashtirish va barcha xarajatlarni o‘z zimmasiga oldi.