Jahon sayyohlik tashkiloti Toshkentda Xalqaro konferensiya o‘tkazadi

“Buyuk ipak yo‘lida sayyohlik” XXI Toshkent xalqaro sayyohlik yarmarkasi doirasida 5-7 oktabr kunlari Jahon sayyohlik tashkiloti bilan hamkorlikda “Madaniy yodgorliklarni saqlash va ularning O‘zbekistonda turizmning rivojlanishdagi hissasi” mavzusida xalqaro konferensiyasi bo‘lib o‘tadi.

Qadimgi Buyuk ipak yo‘lining muhim qismida joylashgan O‘zbekistonda 7 mingdan ziyod tarixiy-arxitekturaviy obektlar mavjud. YuNeSKOning jahon moddiy meros ro‘yxatidan o‘rin olgan Samarqand, Buxoro, Xiva singari shaharlari yiliga ko‘p sonli sayyohlarni o‘ziga jalb etib kelmoqda.

“O‘zbekturizm” matbuot xizmatining xabar berishicha, mazkur konferensiyada Jahon sayyohlik tashkiloti rahbariyati va ekspertlari, O‘zbekistonda akkreditatsiyadan o‘tgan diplomatik korpus va xalqaro tashkilotlari vakillari, san'atshunoslar, taniqli olimlar, sayyohlik kompaniyalari rahbarlari, OAV xodimlari ishtirok etadi.