Ikki nafar 5 yoshli bola Rossiyaning Magnitogorsk shahridagi bolalar bog‘chasidan "Yaguar" (Jaguar) avtomobilini sotib olish uchun qochib ketishdi, deb xabar tarqatdi mahalliy OAV.
Ma'lumotlarga ko‘ra, hodisa o‘tgan haftada sodir bo‘lgan, bu haqda faqatgina seshanba, 8 sentabr kuni ma'lum qilingan.
Kechki sayr vaqtida bolalar bog‘chasining katta yoshli guruh tarbiyachilari plastik belkuraklar yordamida avvaldan qazib qo‘yilgan o‘ra orqali chiqib, ulardan ikki kilometr uzoqlikdagi avtosalonga borishgan. Bolalarning nima qilib yurganini so‘ragan mahalliy aholi vakillaridan biri ularni politsiya bo‘limiga olib borgan.
“Bolalar bog‘chadan “inomarka” sotib olish uchun chiqqani, lekin bunga pullari yetmayotganini aytishgan. Shundan so‘ng ayol qochoq bolalarni o‘z avtomobiliga o‘tqazib, Ordjonikidzevskiy politsiya bo‘limiga olib kelgan”, deyiladi xabarda.
Bolalarning ketib qolganini faqatgina yarim soatdan keyin payqagan tarbiyachilar ishdan bo‘shatildi, deya xabar berdi OAV.