AQSh rossiyalik marhum siyosatchini Ozodlik premiyasi bilan taqdirladi

2015 yil uchun AQSh Ozodlik premiyasi rossiyalik muxolifatchi siyosatchi, marhum Boris Nemtsovga munosib ko‘rildi. Bu haqda Vashington xalqaro respublika institutidagi marosimda aytildi.

Nemtsov 2015 yilning fevralida Moskvada o‘ldirib ketilgan edi. Mukofotni senator Jon Makkeyn qo‘lidan Nemtsovning do‘sti, PARNAS raisi o‘rinbosari, jurnalist Vladimir Kara-Murza-kichkina oldi.
O‘z chiqishida Kara-Murza marhum do‘stini “siyosatning oq qarg‘asi” deb atadi.
Nemtsov premiyaga “Rossiyada demokratiyani rivojlantirishga bag‘ishlangan hayot uchun” loyiq ko‘rildi.