O‘zbekiston Janubiy Koreyadan infeksion kasalliklarga qarshi kurash uchun moliyaviy ko‘mak oladi

O‘zbekiston Janubiy Koreya hukumati tomonidan infeksion kasalliklarga qarshi moliyaviy ko‘mak ko‘rsatiladigan mamlakatlar ro‘yxatidan o‘rin oldi.

Janubiy Koreya prezidenti Pak Kin Xe 2016 yildan boshlab 5 yil davomida dunyoning 13 mamlakati (Gana, Efiopiya, Iordaniya, Kamboja, Laos, O‘zbekiston, Peru, Serra-Leone, Gvineya, Liberiya, Kongo Demokratik Respublikasi, Kot-d’Ivuar va Mali)ga infeksion kasalliklarga qarshi kurash olib borish uchun 100 mln dollar ajratish to‘g‘risida ma'lum qildi.

“Ko‘plab mamlakatlar va xalqaro tashkilotlari infeksion kasalliklardan aziyat chekayotgan mamlakatlarni moliyaviy qo‘llab-quvvatlashni boshlab yuborgan. Janubiy Koreya ham mazkur global kuchga qo‘shiladi. Janubiy Koreya mazkur mamlakatlarda insonlarni infeksion kasalliklar xavfidan ozod qilish uchun bor kuchini safarbar qiladi, – deya prezidentning Seuldagi Salomatlik xavfsizligi bo‘yicha global kun tartibi konferensiyasi doirasida ikkinchi yuqori darajali uchrashuv vaqtidagi so‘zlaridan The Korean Times nashri iqtibos keltirdi.

Salomatlik xavfsizligi bo‘yicha global kun tartibi konferayentsiyasi (GHSA) dunyo darajasida infeksion kasalliklardan ogohlantirish maqsadida tashkil etilgan. Bunday kasalliklar nafaqat milliy darajadagi muammo sanaladi, balki ularning bir davlat chegaralari bilan cheklanmasligini MERS (Yaqin Sharq respirator sindromi) va Ebola (yuqori kontagioz o‘tkir virusli gemorragik isitma kasalligi) kasalliklari tarqalganidan ko‘rish mumkin. Janubiy Koreya GHSAning 44 a'zosidan biri hisoblanadi. Mazkur konferensiya a'zolari birinchi marta 2014 yilda Vashingtonda uchrashgan bo‘lsa, ikkinchisi 2015 yilning 7-9 sentabr kunlari Seulda bo‘lib o‘tdi.