Turkiyada terrorchilar hujumi oqibatida 2 kishi halok bo‘ldi

Kurdiston ishchi partiyasi jangarilari 9 sentabrda Turkiyaning Shirnak viloyatida ikki nafar tinch fuqaroni o‘ldirdi. Bu haqda “Anatoliya” axborot agentligi ma'lum qildi. 

Voqea hozirda komendantlik soati davom etayotgan Jizra uyezdida sodir bo‘ldi. Terrorchilar granatomyot yordamida ko‘cha bo‘ylab o‘tib ketayotgan politsiya mashinasini portlatib yubormoqchi bo‘lganlar, biroq ular otgan snaryad turar-joy binosiga borib tekkan. Oqibatda 50 yoshli mahalliy erkak jarohat olgan. Uning qo‘shnisi uni mashinaga solib shifoxonaga ketayotganda jangarilar uni avtomatdan o‘qqa tutishgan va yaralashgan. Ikkala jabrlanuvchi tez tibbiy yordam mashinasida joni uzildi.

Erzurum viloyatining Shenkay uyezdida aksilterrorchilik operatsiyasi davomida jandarmlar Kurdiston ishchi partiyasining 8 a'zosini yo‘q qidi. Jangarilar guruhi qurshovga olinib, ular artilleriya va o‘qotar qurollardan o‘qqa tutilgan.