00:35 / 10.09.2015
3577

Xillari Klinton Eronga qarshi harbiy kuch qo‘llashga tayyorligini ma'lum qildi

AQSh prezidenti lavozimiga nomzod Xillari Klinton 9 sentabrda Eron yadroviy qurol ishlab chiqishga urinsa, unda unga qarshi harbiy kuch qo‘llashdan qo‘rqmasligini aytdi.

“Eronliklar va butun dunyo bilishini istardim, agar vaziyat taqozo etsa qat'iy harakat qilamiz. Men Eron yetakchilariga AQSh sizlarga hech qachon yadroviy qurol olishingizga imkon bermaydi, deb aytmoqchiman” deb aytdi Klinton Vashingtondagi Brukings nomidagi institutdagi Eron bo‘yicha so‘zlagan nutqida.

“Men prezident lavozimida AQSh va bizning ittifoqdoshlarimizni himoya qilish uchun barcha zarur choralarani ko‘raman. Agar Eron yadroviy qurol olishga urinsa, men hech qanday ikkilanishsiz unga qarshi harbiy kuch ishlataman”, deb aytmoqda Klinton.

Shuningdek, Klintonning aytishicha, u Eronga “terrorchilikka homiylik qilish” va ballistik raketalar yaratishga yo‘l qo‘ymaydi va o‘z ittifoqdoshlaridan Eron Yaman va Suriyadagi vaziyatga aralashmoqchi bo‘lsa, uning harbiy kemalari va samolyotlariga to‘sqinlik qilishni talab qiladi.

Top