Makka shahridagi Al-Harom masjidida kran qulashi jarayoni tasvirlangan videolar tarqaldi

11 sentabr kuni Saudiya Arabistonining Makka shahridagi Al-Harom masjidi ustiga hududda davom etayotgan kuchli shamol tufayli qurilish krani qulab tushdi.

Oxirgi ma'lumotlarga ko‘ra, ushbu fojia oqibatida 107 kishi halok bo‘lgan va 238 kishi jarohatlangan.

Ushbu voqea guvohlari bo‘lgan o‘nlab kishilar kranning masjid ustiga qulashi jarayonini tasvirga olishgan va internetga joylashtirishgan.

Ma'lumot uchun, Haj safarining Makka va Madinadagi muqaddas qadamjolarda ado etiladigan asosiy marosimlari 21-26 sentabrda bo‘lib o‘tadi.

Haj ziyorati bu yil 23 sentabr kuni nishonlanishi belgilangan musulmon ahlining asosiy bayramlaridan biri – Iyd Al-Adhning nishonlanishi bilan o‘z nihoyasiga yetadi.