Nigeriyada ikkita portlash oqibatida 12 kishi halok bo‘ldi

Nigeriya shimoli-sharqida yuz bergan ikkita portlash oqibatida 12 kishi halok bo‘ldi, deb xabar bermoqda Reuters axborot agentligi.

Ulardan 7 nafari Yola shahri yaqinidagi muhojirlar lagerida bomba portlashi oqibatida halok bo‘ldi. Yana 20 nafar kishi jarohat oldi.

Bundan tashqari, Madagali shahrida terrorchi-xudkushning avtobus bekatiga hujumi oqibatida yana 5 kishi halok bo‘ldi.

Qayd etilishicha, hozircha hech qaysi bir guruh teraktlar uchun javobgarlikni o‘z zimmasiga olmagan.