Venesuelalik kinoijodkorlar tomonidan ishlangan "Olislardan" (Desde alla) nomli kartina Venetsiya kinofestivalining 72-mavsumida bosh mukofot "Oltin sher" haykaliga sazovor deb topildi. Film rejissyori Lorentso Vigas mukofotni qabul qilib oldi.
Festival 2 sentabr kuni ochilgandi va yopilish marosimi 12 sentabr kuni Lido orolidagi Kino saroyida bo‘lib o‘tdi. Hakamlar hay'atiga meksikalik kinoshunos va rejissyor Alfonso Kuaron rahbarlik qildi.
Festivalda "Kumush sher" mukofoti eng yaxshi rejissyorlik ishi uchun argentinalik rejissyor Pablo Trapero tomonidan ishlangan, kriminal drama yo‘nalishidagi "Klan" (El Clan) filmiga topshirildi.
Eng yaxshi ssenariy uchun mukofotga esa fransiyalik rejissyor Kristian Vensan "Oq suvsar" (L'hermine) filmi bilan ega chiqdi.
Shuningdek, eng yaxshi akrtisa sifatida italiyalik Valeriya Golino "Sening sevging uchun" (Per amor vostro) filmidagi roli orqali sovrindor bo‘ldi.
Fransiyalik Fabris Lukini esa "Oq suvsar" roli uchun "Eng yaxshi erkak aktyor" nominatsiyasi bo‘yicha taqdirlandi.
Hakamlar Charli Kaufman va Dyuk Jonsonni "Anomaliza" kartinasi uchun "Eng yaxshi animatsion film" yo‘nalishida mukofotlashdi.
Turkiyalik rejissyor Emin Elper "Aqlsizlik" filmi uchun hakamlarning maxsus mukofotiga loyiq ko‘rildi.