Toshkentda UZENERGYEXPO va UZSTROYEXPO ko‘rgazmalari bo‘lib o‘tadi

2015 yilning 16 sentabr kuni “O‘zekspomarkaz”da biryo‘la ikkita xalqaro sanoat ko‘rgazmasi bo‘lib o‘tadi: Uzenergexpo-2015 va Uzstroyexpo-2015.
Ko‘rgazmalarni tashkil etishda rasmiy ko‘mak “O‘zbekenergo” DAK, Toshkent shahar hokimiyati, Savdo-sanoat palatasi, “O‘zqurilishmollari” AK, “O‘zmaxsusmontajkurilish” AK, O‘zbekiston Fanlar Akademiyasi energetika va avtomatika instituti, “O‘zkommunxizmat” agentligi tomonidan ko‘rsatilmoqda.

Joriy yilda birlashgan ekspozitsiyada Belarus, Germaniya, Italiya, Eron, Xitoy, Rossiya, Turkiya, Ukraina, Janubiy Koreyadan tashrif buyuradigan 60 kompaniya vakillari ishtirok etadi.
UzEnergyExpo O‘zbekistonda elektrotexnik sohadagi tadbirlar ichida har yili eng yetakchi o‘rinlardan birini egallaydi. U mehmonlar diqqatiga zamonaviy elektrotexnik jihozlar va innovatsion loyihalarni taqdim etadi.

UzStroyExpo ko‘rgazmasi esa asosan qurilish sohasiga urg‘u beradi va tegishli kompaniyalarning mahsulotlarini taqdim etadi.